काठमाडौँ । काठमाडौँका प्रमुख जिल्ला अधिकारी जितेन्द्र बस्नेतले आजदेखि लागु हुनेगरी ३० दिनका लागी माइतीघर मण्डलादेखि नयाँ बानेश्वर चोकसम्मको सडक क्षेत्रलाई मंसिर ७ को प्रदर्शनलाई मध्यनजर गर्दै निषेधित क्षेत्रका रुपमा घोषणा गरेका छन् ।
मंसिर ७ मा नेकपा एमाले निकट युवा सङ्घ र मेडिकल व्यवसायी दुर्गा प्रसाईँ नेतृत्वको ‘राष्ट्र, राष्ट्रियता, धर्म, संस्कृति र नागरिक बचाऔँ महाअभियान’ कार्यक्रम एकै ठाउँमा गर्ने भएपछि झडपको सम्भावना आकलन गर्दै प्रशासनले यस्तो निर्णय गरेको हो । सो क्षेत्रमा ३० दिनसम्म ५ जनाभन्दा बढी भेला हुन जुलुस र प्रदर्शन गर्न रोक लागेको छ ।
प्रशासन कार्यालयका अनुसार निषेधित क्षेत्रमापद्यमोदयमोड देखि सिंहदरबार पश्चिम गेट, सर्वोच्च अदालत हुँदै माइतीघर मण्डलाको चारैतिर तथा बबरमहल, बिजुलीबजार र नयाँ बानेश्वरचोक सम्मलाई निषेधित क्षेत्र तोकिएको छ ।
