काठमाडौँ । गृहमन्त्री सुधन गुरुङ सिरहाको लहान पुगेका छन् ।
लहानमा बिहीबार प्रदर्शन भएको थियो। बिराटनगरबाट सप्तरी हुँदै उनी लहान पुगेका हुन् । लहानमा मधेसमा कार्यरत सुरक्षा प्रमुखहरू र स्थानीय राजनीतिक दलका नेताहरू, स्थानीय जनप्रतिधिहरुसँग मन्त्री गुरुङले छलफल गरिरहेका छन्।
हिन्दु र मुस्लिम दङ्गा भड्किएपछि लहानमा पनि कर्फ्यु आदेश जारी गरिएको छ। बिहीबार सिरहाको गोलबजारमा दुई पक्षको बिचमा झडप हुँदा औरही गाउँपालिका–२ घर भएका १८ वर्षीय गणेश यादवको मृत्यु भएको थियो । स्थिति अशान्त बनेसँगै सिरहा, धनुषा र पर्सामा कर्फ्यु आदेश जारी गरिएको छ।
